Naturreservat

Bøyabreen naturreservat i Fjærland/Sogndal

Bøyaøyri våtmarksområde i Fjærland er verna som naturreservat, særleg pga. fugletrekka vår og haust. 90 ulike fugleartar er observert, og om lag 50 artar hekkar i dette området. På Bøyaøyri blir ferskvatn frå elva blanda med saltvatn frå fjorden. Slike brakkvassdelta er mellom dei biologisk mest høgproduktive område i Noreg. http://www.bre.museum.no/boyaoyri/index.php

Flostranda naturreservat i Stryn

Flostranda naturreservat er eit område med rikt botanisk mangfald (over 360 artar av karplantar), variasjonar i skogtypar og stor biologisk produksjon. Flostranda ligg sørvendt og er solrik i bratt fjell i ly frå nordavinden. Saman med god tilgang på grove, gamle tre av ulike slag gjev dette levestad for mange sjeldsynte og kravfulle artar av insekt, sopp og lav. Skogen i Flostranda er ein rest etter store edellauvskogar som breidde seg i Norge i ein varm periode etter istida. Dette er den største samanhengjande lindeskogen i Nord-Europa.. Jostedalsbreen Nasjonalparksenter har botanisk natursti i Flostranda Naturreservat http://www.jostedalsbre.no

Nigardsbreen naturreservat i Luster

Nigardsbreen naturresvat vart oppretta i 1985 og ligg utanfor grensene til nasjonalparken som vart oppretta 6 år seinare. Dette er ein svært god stad å studere plantesuksesjonen, korleis vegetasjonen innvandrar på område som har blitt isfrie. Etter den "vesle istid" rundt 1750 gjorde breen mange mindre framstøt, alle lenger inne i dalen enn den foregåande og etterlot seg endemorener som alle er daterte . For kvar morene ein passerer på veg innover dalen, vil ein finne variasjonar i vegetasjonssammensetningen.Nigardsbreen naturreservat grensar til Jostedalsbreen nasjonalpark. Det tek ca 1 time å gå frå parkeringsplassen til Nigardsbreen. www.jostedal.com

Myklebustdalen Naturreservat i Jølster

Føremålet med fredinga er å ta vare på eit myrområde med eit spekter av myrtypar karakteristiske for bakkemyrregionen, medrekna nedbørsmyrar. Føremålet er å sikre heile variasjonsrikdomen av myr- og vegetasjonstypar i området med naturleg plante- og dyreliv.,  http://www.lovdata.no/for/lf/mv/xv-20040618-0945.html

Prestestøylen naturreservat i Innvik/Stryn

Føremålet med fredinga er å ta vare på eit myrområde med stort og velutvikla mangfald av myrtypar med naturleg plante- og dyreliv. Området har mykje nedbørsmyr, og myrvegetasjon som på ein god måte representerer den geografiske plasseringa og høgda over havet. Ein spesiell kvalitet ved området er at myra fyller dalbotnen, der den er danna i samspel med ei meandrerande elv . http://www.lovdata.no/for/lf/mv/xv-20040618-0933.html

Tjønnane naturreservat i Innvik/Stryn

Føremålet med fredinga er å ta vare på ein sjeldsynt kombinasjon av myrtypar, den regionalt sjeldsynte myrtypen strengmyr, ei velutvikla innlandsutforming av terrengdekkjande myr, og det naturlege plante- og dyrelivet i dette området. Dei mange myrtjørnene gjer sitt til den naturlege variasjonen. http://www.lovdata.no/for/lf/mv/xv-20040618-0934.html

Yngsdalen naturreservat i Luster

Føremålet med fredinga er å ta vare på eit myrområde med naturleg dyre- og planteliv. Området er av ein storleik som er sjeldsynt i Indre Sogn under skoggrensa, og som har innslag av rikmyr og kjelder, og sjeldsynte og interessante planteartar. Ein spesiell kvalitet ved området er at myra fyller dalbotnen, med ei meandrerande elv og ulike vassmiljø tilknytte eit urørt elvesystem.http://www.lovdata.no/for/lf/mv/xv-20040618-0951.html